પાઈલટ સામે હવે ગેહલોત લડી લેવાનાં મૂડમાં

જયપુર, તા.11: કોંગ્રેસ સામે એક સાંધે ત્યાં તેર તૂટે તેવી સ્થિતિ છે. રાજસ્થાનમાં કોંગ્રેસની સરકારનો આંતરવિગ્રહ છૂપો નથી પરંતુ હવે તેમાં પણ આગ વધુ ભડકવાની તૈયારી હોય તેવા એંધાણ મળી રહ્યા છે. અત્યાર સુધી એકબીજા સામે છૂપા હુમલા બોલાવી રહેલા અશોક ગેહલોત અને સચિન પાઇલટ હવે જાહેરમાં સામસામે આવી ગયા છે. પાઇલટનાં કહેવા અનુસાર જનતાએ ગેહલોતનાં નામે કોંગ્રેસને મત નથી આપ્યા. આવું જ ગેહલોત પાઇલટ માટે કહે છે. 
રાજસ્થાન મુખ્યમંત્રી અશોક ગેહલોત માટે કહેવામાં આવે છે કે તેઓ જાણે છે કે ક્યારે શું બોલવું જોઈએ. બજેટ પેશ કર્યા બાદ તેમણે હવે સ્પષ્ટ કહી દીધું છે કે ઉપમુખ્યમંત્રી સચિન પાઇલટ રાજ્યનાં મુખ્યપ્રધાન બનવાનું સપનું ન જુએ. લોકોએ પોતાને મુખ્યમંત્રી બનાવવા માટે મત આપ્યા હોવાનું કહેતા ગેહલોતે આગળ ઉમેર્યું હતું કે, જે લોકો મુખ્યમંત્રી બનવાની દોડમાં પણ નહોતા એ હવે પોતાનાં નામો આગળ કરવામાં લાગી ગયા છે.
Published on: Fri, 12 Jul 2019

Advertise

Get News on Google Play

janmabhoomi newspapers on playstore

© 2019 Saurashtra Trust

Developed & Maintain by Webpioneer