સરકારી હેલિકોપ્ટર કંપનીએ રશિયાને બદલે ઈન્ડોનેશિયામાં કરોડો જમા કરાવી દીધા !

નવીદિલ્હી, તા. 8 : સીબીઆઈએ જાહેરક્ષેત્રની હેલિકોપ્ટર સર્વિસ કંપની પવન હંસ લિમિટેડ વિરુદ્ધ કેસ નોંધ્યો છે. પવનહંસ લિમિટેડ ઉપર આરોપ છે કે તેણે એમઆઈ172 એન્જીનનાં સમારકામ માટે રશિયાની એક કંપનીને આપવાનાં થતાં 1.85 કરોડ રૂપિયા ઈન્ડોનેશિયાની કંપનીનાં ખાતામાં જમા કરાવી નાખ્યા હતાં.
પવનહંસ ઉપર આરોપ છે કે 20 મે 2015ના રોજ કંપનીએ એમ-172 હેલિકોપ્ટરનાં એન્જીનની દેખરેખ અને મરામત માટે રશિયાની કંપની ક્લિમોવ જેએસસી સાથે કરાર કર્યો હતો. આ પરવાનો 9 કરોડ રૂપિયાનો હતો. જેનાં પેટે 30 ટકા એટલે કે 1.85 કરોડ રૂપિયાનું એડવાન્સ પેમેન્ટ કરવાનું હતું. ક્લિમોવે 19 જૂન 2015ના રોજ એક ચલણ મોકલ્યું હતું. જે મુજબ આ રકમ ન્યૂયોર્કની જેપી મોર્ગન ચેસ બેન્કનાં તેનાં ખાતામાં જમા કરાવવાની હતી પરંતુ આવું થયું નહોતું.

Published on: Wed, 09 Oct 2019

© 2020 Saurashtra Trust

Developed & Maintain by Webpioneer