ચીનને ભારત મેડિકલ સહાય મોકલશે

ચીનમાં કોરોના વાઈરસનો મરણાંક વધીને 1665 થયો 
નવીદિલ્હી,તા.16: બેકાબૂ બનેલા ઘાતક કોરોના વાયરસ ઝઝૂમતા ચીનને ભારત હવે ચિકિત્સકીય સામગ્રીની સહાયતા મોકલશે. ભારતનાં રાજદૂત વિક્રમ મિશ્રીએ જણાવ્યા અનુસાર ભારત આ મહામારી સામેની લડાઈમાં ચીનની પડખે છે.
કોરોના વાયરસનાં ચેપનાં કારણે વધુ 142 લોકોનાં મૃત્યુ સાથે ચીનનો કુલ મરણઆંક વધીને 1665 થઈ ગયો છે. ચીનમાં અત્યારે આ ખતરનાક વાયરસગ્રસ્તોની સંખ્યા પણ 68500 જેટલી થઈ ગઈ છે. ચીનનાં રાષ્ટ્રીય સ્વાસ્થ્ય આયોગે દેશમાં નવા 2009 પોઝિટિવ કેસ નોંધાયાને પુષ્ટિ આપી છે. હુબેઈ પ્રાંતની રાજધાની વુહાનમાં 1843 નવા કેસ નોંધાયા છે. આ સાથે જ હુબેઈમાં નોંધાયેલા પોઝિટિવ કેસનો આંકડો વધીને 56249 થઈ ગયો છે.
ભારતનાં રાજદૂત મિશ્રીનાં કહેવા અનુસાર કોરોના સામે નિપટવા માટે મજબૂત પગલાંઓ ભરવા માટે ભારત ટૂંકસમયમાં જ ચીનને મેડિકલ સહાયતાની એક ખેપ મોકલશે. જે ચીનની જનતા પ્રત્યે ભારતની સદ્ભાવના, એકતા અને સહાનુભૂતિ સાથે મિત્રતા પણ દર્શાવશે. ભારત ચીનને સહાયતા કરવાં માટે શક્ય તમામ પ્રયાસો કરશે. 
Published on: Mon, 17 Feb 2020

© 2020 Saurashtra Trust

Developed & Maintain by Webpioneer