એસટીની હડતાળ ચાલુ રહેશે કે કેમ એનો આજે નિર્ણય

અમારા પ્રતિનિધિ તરફથી 
મુંબઈ, તા. 24 : મહારાષ્ટ્રના પરિવહન પ્રધાન અને મહારાષ્ટ્ર એસટી કૉર્પોરેશનના ચેરમેન અનિલ પરબે એસટી કર્મચારીઓની 28 દિવસથી ચાલતી હડતાળને ખતમ કરવાના ઈરાદે બુધવારે ડ્રાઈવરો અને કંડકટરોના વેતનમાં રૂપિયા 72000નો વધારો કરવાની જાહેરાત કરી હતી. સરકારે એમપણ કહ્યું હતું કે હવે પછી દર મહિનાની દસ તારીખ સુધી પગાર આપી દેવાશે. વેતન વૃદ્ધિને કારણે સરકારની તિજોરી પર વર્ષે 750 કરોડનો ભાર આવશે. 
સરકાર સાથે મંત્રણા કરનાર એસટી કર્મચારી યુનિયનમાંના  ભાજપના બે વિધાનસભ્યો ગોપીચંદ પડાલકર અને સદાભાઉ ખોતે આઝાદ મેદાન ખાતે કહ્યું હતું કે સરકારની ઓફર વિશે અમે આંદોલનકારી કર્મચારીઓ સાથે હવે ચર્ચા કરીશું અને તેમનો અભિપ્રાય જાણીશું. અમારી તેમની સાથેની મંત્રણ મોડી રાત સુધી ચાલી શકે છે એટલે હળતાળ પાછી ખેંચવી કે ચાલુ રાખવી એ વિશેનો નિર્ણય ગુરુવારે (આજે) સવારે જ જાહેર કરાશે. 
જોકે, કર્મચારી યુનિયનના નેતા શ્રીરંગ બાર્ગેએ કહ્યું હતું કે અમે સરકાર પાસેથી પગાર વધારો માગ્યો જ નથી. એટલે સરકારે વેતનવૃદ્ધિની જે જાહેરાત કરી છે એનો કોઈ અર્થ નથી. એસટી કર્મચારીઓને રાજ્ય સરકારમાં વિલીન કરવાની અમારી મુખ્ય માગણી છે. આમને વેતન વૃદ્ધિનું ગાજર બતાવવાની જરૂર નથી. અમને લાંબા ગાળાનો ઉકેલ જોઈએ છે.
Published on: Thu, 25 Nov 2021

© 2021 Saurashtra Trust

Developed & Maintain by Webpioneer