પાનસરે હત્યા કેસની તપાસ એટીએસને સોંપાઈ

મુંબઈ, તા. 4 : કૉમરેડ ગોવિંદ પાનસરેની હત્યાની તપાસ મહારાષ્ટ્રના આતંકવાદ વિરોધી દળ (એન્ટી ટેરરિઝમ સ્કવૉડ)ને સોંપવાની પાનસરે પરિવારની માગણી હાઈ કોર્ટે બુધવારે મંજૂર કરી હતી.
આ અંગેનો વિગતવાર આદેશ બાદમાં આપવામાં આવશે, એવું અદાલતે સ્પષ્ટ ર્ક્યું છે.
આ પ્રકરણની તપાસ એટીએસને સોંપવામાં કોઈપણ વાંધો નહીં હોવાનું રાજ્ય સરકાર વતી વિશેષ સરકારી વકીલ અશોક મુંદરગીએ જણાવ્યા બાદ અદાલતે તપાસ એટીએસને સોંપવાનો આદેશ આપ્યો હતો.
આ કેસમાં કેટલાક આરોપી અટકાયતમાં છે અને પાનસરે પર હુમલો કરનારા બે આરોપી હજી ફરાર છે. 
Published on: Fri, 05 Aug 2022

© 2022 Saurashtra Trust