બ્રહ્મોસ મિસાઇલનાં નવાં વર્ઝનનું સફળ પરીક્ષણ

અમારા પ્રતિનિધિ તરફથી

નવી દિલ્હી, તા. 11: ભારતે પોતાની સૌથી ખતરનાક બ્રહ્મોસ સુપરસોનિક ક્રૂઝ મિસાઇલના લેન્ડ એટેક વર્ઝનનું સફળ પરીક્ષણ કર્યું છે. આ મિસાઇલનું પરીક્ષણ અંદામાન અને નિકોબાર દ્વીપ સમૂહના એક અજ્ઞાત દ્વીપ ઉપરથી કરવામાં આવ્યું હતું. જેનાથી બીજા દ્વીપ ઉપર રાખવામાં આવેલા લક્ષ્યને નિશાને લેવામાં આવ્યું હતું.

આ સાથે જ મિસાઇલની રેન્જ વધારીને 450 કિમી કરવામાં આવી છે. મિસાઇલ 28 ફૂટ લાંબી છે અને 3000 કિલો વજન ધરાવે છે. જેમાં 200 કિલોના પારંપરિક પરમાણુ હથિયાર સજ્જ કરી શકાય છે.