અફઘાનિસ્તાનમાં સૂકામેવાના ભાવ ઘટયા

અમારા પ્રતિનિધિ તરફથી

કંધાર, તા. 18 : અફઘાનિસ્તાનના કંધારમાં સૂકામેવાના નવા પાકનો આરંભ થયો છે. તેમાં કિસમિસ, અંજીર અને પીળી કિસમિસના ભાવ ઘટયા છે. વેપારીઓના જણાવવા મુજબ માલની યાતાયાત બંધ હોવાથી નિકાસ પ્રભાવિત થઈ છે. વૈકલ્પિક માર્ગ નહીં હોવાથી ભાવ હજી પણ ઘટવાની ધારણા વ્યક્ત કરાઈ છે. કંધારમાં સૂકામેવાનું પ્રોસેસિંગ થઈ રહ્યું છે. માલની રવાનગીમાં અવરોધ હોવાથી સ્થાનિક બજારમાં માલ વધી જતાં ભાવ દબાયા છે, એમ વેપારીઓનું જણાવવું છે.